ಶ್ರೀ ಬ್ರಹ್ಮ ಬೈದರ್ಕಳ ಗರೋಡಿ, ಮೂಡುಬೆಳ್ಳೆ
ಹೊನ್ನಯ್ಯ ಪೂಜಾರಿ
ಹೊನ್ನಯ್ಯ ಪೂಜಾರಿಯವರು (64ವರ್ಷ ಪ್ರಾಯ) ಪೂ ಪೂಜನೆಯವರಾಗಿದ್ದು ತಮ್ಮ 15ವರ್ಷ ಪ್ರಾಯದಲ್ಲಿದ್ದಾಗಿನಿಂದ ಈ ಸೇವೆ ಮಾಡುತ್ತಿದ್ದಾರೆ. ಇದರ ಮೊದಲು ಅಣ್ಣ ಸಂಜೀವ ಪೂಜಾರಿ, ಮಾವನವರಾದ ಕಿಟ್ಟು ಪೂಜಾರಿ, ಕರಿಯ ಪೂಜಾರಿಯವರು ಸೇವೆ ಮಾಡುತ್ತಿದ್ದರು.
ಗರೋಡಿಯಲ್ಲಿ ಬೈದರ ದರ್ಶನಕ್ಕೆ ಸ್ಥಳ ಪಾತ್ರಿಗಳಿಲ್ಲ.
ಮೇಲ್ಮನೆ ಉದಯ ಶೆಟ್ಟಿ ಹಾಗೂ ಕೆಳಮನೆ ಭಾಸ್ಕರ ಶೆಟ್ಟಿ ಇವರುಗಳು ಗರೋಡಿಯ ಮೊಕ್ತೇಸರರಾಗಿರುವರು.
ಗರೋಡಿಯಲ್ಲಿ ಮಂಗಳವಾರ ಪೂಜೆ, ಸಂಕ್ರಾಂತಿ ಪೂಜೆ(ಸೂಡ) ಚೌತಿ ಪೂಜೆ, ಅಷ್ಟಮಿ ಪೂಜೆ, ದೀಪಾವಳಿ ಪೂಜೆ, ಹೂವಿನ ಪೂಜೆ, ಕದಿರುಕಟ್ಟುವುದು, ಊರು ಸೇರಿ ಗಜ್ಜೆಯಿ ಸೇವೆ, ವರ್ಷಾವಧಿ ಬೈದೇರಯಗಳ ಅಗೆಲು ಸೇವೆ, ನೇಮ, ಜೋಗಿ ಪುರುಷ ಹಾಗೂ ಮಾಯಂದಾಲ್ ಕೋಲ ಸೇವೆ ನಡೆಯುತ್ತದೆ.
ಎಡ್ಮೇರ್, ಮೂಡುಬೆಳ್ಳೆ,(ತೋಕೊಳಿ) ಕುಂಟಾಲ್ ಗುಡ್ಡೆಯ ಜನರು ಈ ಕೂಡು ಕಟ್ಟಿಗೆ ಸೇರಿದವರಾಗಿದ್ದು, ನೀರುಸ್ನಾನ, ಕಂಚಿಲ್ ಸೇವೆ, ಮದುವೆ ಮುಂತಾದ ಶುಭ ಸಂದರ್ಭದಲ್ಲಿ ತೆಗೆದಿಡುವ ಜೋಡುಕಾಯಿ, ಕಾಣಿಕೆ ಸೇವೆ, ಹೆರಿಗೆಯ ನಂತರ ತಿಂಗಳು ಮಾಡಿಸುವ ಕ್ರಮ ಇತ್ಯಾದಿ ಸಾಂಪ್ರದಾಯಿಕ ಹರಕೆಯ ಸೇವೆಗಳಲ್ಲಿ ಜನರು ಪಾಲ್ಗೊಳ್ಳುತ್ತಾರೆ.
ಗರೋಡಿಗೆ ಸ್ಥಿರ ಆದಾಯವಿಲ್ಲದೆ ಊರ ಜನರ ವಂತಿಗೆ, ಕಾಣಿಕೆ, ಸಹಾಯಧನಗಳಿಂದ ಕಾರ್ಯಕ್ರಮಗಳ ವೆಚ್ಚವನ್ನು ಭರಿಸಲಾಗುತ್ತದೆ.
ಗರೋಡಿಯು 1999ರ ಮೇ ತಿಂಗಳಲ್ಲಿ ಜೀರ್ಣೋದ್ಧಾರವಾಗಿತ್ತು. ಈಗ ಗರೋಡಿಯ ಜೀರ್ಣೋದ್ದಾರದ ಯೋಜನೆಯಿದೆ.
ಬೊಗ್ಗು ಪರವ ಮೂಡುಬೆಳ್ಳೆ ಇವರು ಈ ಗರೋಡಿಯ ನೃತ್ಯ ವಿಶಾದರರಾಗಿದ್ದು, ಪ್ರಕಾಶ್ ಮಡಿವಾಳ, ಕಟಪಾಡಿ, ಇವರು ಮಡಿವಾಳರಾಗಿಯೂ, ಬೊಗ್ರ ಸೇರಿಗಾರ ಅಲೆವೂರು ಇವರು ಗರೋಡಿಯ ವಾದ್ಯದವರಾಗಿಯೂ ಸೇವೆ ಮಾಡುತ್ತಿದ್ದಾರೆ.
ಗರೋಡಿಯ ವಿಳಾಸ:
ಮೂಡುಬೆಳ್ಳೆ ಅಂಚೆ, ಕಾಪು ತಾಲೂಕು,
ಉಡುಪಿ 576120.
ಪೂ ಪೂಜನೆಯವರ ವಿಳಾಸ:
ದೇವರ ಗುಡ್ಡೆ,
ಮೂಡುಬೆಳ್ಳೆ ಅಂಚೆ,
ಕಾಪು ತಾಲೂಕು, ಉಡುಪಿ 576120.
ಮೊಬೈಲ್: 9483079973