ಶ್ರೀ ಬ್ರಹ್ಮ ಬೈದರ್ಕಳ ಆದಿಗರೋಡಿ ಬೆಳಪು - ಪಣಿಯೂರು
ಉಡುಪಿಯಿಂದ ಕಾಪು ಉಚ್ಚಿಲ ಮಾರ್ಗವಾಗಿ ಉಚ್ಚಿಲ ಮಹಾಲಕ್ಷಮಿ ದೇವಸ್ಥಾನದ ಹತ್ತಿರ ಎಡಕ್ಕೆ ತಿರುಗಿ ಪಣಿಯೂರು ರಸ್ತೆಯಲ್ಲಿ ಸುಮಾರು 3ಕಿ.ಮೀ. ಸಾಗಿದಾಗ ಪಣಿಯೂರು ಆದಿ ಗರೋಡಿ ಸಿಗುತ್ತದೆ.
ಇದು ಷಡಾಧಾರ ಪ್ರತಿಷ್ಠೆ ಇರುವ ಆಯದ ಗರೋಡಿಯಾಗಿದ್ದು ಮುಖ್ಯ ದ್ವಾರವು ಪೂರ್ವಾಭಿಮುಖವಾಗಿಯೂ ಇನ್ನೊಂದು ದ್ವಾರವು ಬಡಗು ದಿಕ್ಕಿಗೂ ಇದೆ. ಸ್ಥಳ ಪುರಾಣದಲ್ಲಿ ತಿಳಿದು ಬಂದಂತೆ ಇಲ್ಲಿ ಗರೋಡಿ ಇಲ್ಲದ ಸಮಯದಲ್ಲಿ ಎಲ್ಲೂರು ಗರೋಡಿಗೆ ಊರ ಜನರು ಅನ್ನ ನೈವೇದ್ಯದ ಸಮಯಕ್ಕೆ ಸರಿಯಾಗಿ ಹೋಗದೇ ಇದ್ದಾಗ ಬೈದೇರುಗಳ ವಾಗ್ದಾನದಂತೆ ಇಲ್ಲಿ ಗರೋಡಿ ಸ್ಥಾಪನೆಯಾಯಿತು.
ಗರೋಡಿಯ ಬ್ರಹ್ಮರ ಗುಡಿಯಲ್ಲಿ ಬ್ರಹ್ಮ ಗುಂಡದೊಳಗೆ ಕುದುರೆಯ ಮೇಲೆ ಕುಳಿತ ಬ್ರಹ್ಮರ ಪಂಚ ಲೋಹದ ಮೂರ್ತಿ, ಗುಂಡದ ಮೇಲಿನ ಅಂತಸ್ತಿನಲ್ಲಿ ಗಾಳಿದೇವರ ಪಂಚಲೋಹದ ಮೂರ್ತಿ ಇದೆ.
ಗುಂಡದ ಎಡಭಾಗದ ಮಣೆ ಮಂಚದಲ್ಲಿ ಕೋಟಿಚೆನ್ನಯರು ಹಾಗೂ ಜೋಗಿ ಪುರುಷರನ್ನು ಕಲಶವಿಟ್ಟು ಪೂಜಿಸುತ್ತಾರೆ.
ಬ್ರಹ್ಮಗುಡಿಯ ಹೊರಗೆ ಬಲಬದಿಯ ಮಣೆ ಮಂಚದಲ್ಲಿ ಪಿಲ್ಚಂಡಿ ಹಾಗೂ ಎಡಭಾಗದ ಮಣೆ ಮಂಚದಲ್ಲಿ ಜಾರಂದಾಯ ಹಾಗೂ ಬಂಟರಿಗೆ ಆರಾಧನೆಯಿದೆ.
ಗರೋಡಿಯ ಹೊರಾಂಗಣದ ಗುಡಿಯಲ್ಲಿ ಮಾಯಂದಾಲ್ ಹಾಗೂಮಗುವಿನ ಮರದ ಪಾಪೆಗೆ ಪೂಜೆ ನಡೆಯುತ್ತದೆ.
ಗರೋಡಿಯ ಆವರಣದ ಒಳಗೆ ಅಯ್ಯಕಲ್ಲು, ತುಳಸೀಕಟ್ಟೆ ಹಾಗೂ 6ದೀಪದ ಕಂಬಗಳೂ ಇವೆ. ಗರೋಡಿಯ ಹತ್ತಿರದಲ್ಲಿ ಗರೋಡಿಗೆ ಸಂಬಂಧಪಟ್ಟ ನಾಗಬನವೂ ಇದೆ.
ಮಾಧವ ಪೂಜಾರಿ
ಜಗನ್ನಾಥ ಪೂಜಾರಿ
ಗರೋಡಿಮನೆ ಮಾಧವ ಪೂಜಾರಿ (70 ವರ್ಷ ಪ್ರಾಯ)ಇವರು ಪೂ ಪೂಜನೆಯವರಾಗಿದ್ದು, ಮೂಡುಮನೆ ಜಗನ್ನಾಥ ಪೂಜಾರಿ (70 ವರ್ಷ ಪ್ರಾಯ) ಎರಡನೇ ಪೂ ಪೂಜನೆಯವರಾಗಿದ್ದಾರೆ. ಇವರಿಗಿಂತ ಮೊದಲು ಕಾಂತ ಪೂಜಾರಿ, ರುಕ್ಕ ಪೂಜಾರಿ, ಕಿಟ್ಟ ಪೂಜಾರಿ ಹಾಗೂ ಪಣಿಯೂರು ಅಪ್ಪು ಪೂಜಾರಿ ಮೊದಲಾದ ಹಿರಿಯರು ಈ ಸೇವೆ ಮಾಡಿದ್ದರು. ಸದ್ಯ ಗರೋಡಿಯಲ್ಲಿ ಬೈದರ ದರ್ಶನಕ್ಕೆ ಸ್ಥಳ ಪಾತ್ರಿಗಳಿರುವುದಿಲ್ಲ.
ಬೆಳಪು ಹಾಗೂ ಪಣಿಯೂರು ಗ್ರಾಮದ ಜನರು ಈ ಗರೋಡಿಯ ಕೂಡುಕಟ್ಟಿಗೆ ಸೇರಿದ್ದಾರೆ. ಊರ ಜನರು ನೀರುಸ್ನಾನ, ಕಂಚಿಲ್ ಸೇವೆ, ಮದುವೆ ಮುಂತಾದ ಶುಭ ಸಂದರ್ಭದಲ್ಲಿ ತೆಗೆದಿಡುವ ಜೋಡು ಕಾಯಿ ಕಾಣಿಕೆ ಸೇವೆ, ಹೆರಿಗೆಯ ನಂತರ ತಿಂಗಳು ಮಾಡಿಸುವ ಕ್ರಮ ಮುಂತಾದ ಹರಕೆಯ ಸೇವೆಗಳಲ್ಲಿ ಭಾಗಿಯಾಗುತ್ತಾರೆ.
ಕಾಲಾವಧಿ ನೇಮೋತ್ಸವದ ಸಮಯದಲ್ಲಿ ಪೆರಾರ್ದೆ ಹುಣ್ಣಿಮೆಯ ಪಂಚಮಿಯಂದು ಅಗೆಲು ಸೇವೆ, (ಗರೋಡಿ ಮನೆಯವರಿಂದ) ಮರುದಿನ ಬೈದೇರುಗಳ ನೇಮೋತ್ಸವ, ಜೋಗಿಪುರುಷ, ಮಾಯಂದಾಲ್, ದೈವಗಳಿಗೆ ಕೋಲ ಸೇವೆ ಹಾಗೂ ಬಡಕರ ಗುತ್ತಿನವರಿಂದ ಶುದ್ಧದ ಅಗೆಲು ಸೇವೆ ನಡೆಯುತ್ತದೆ. ಈ ಎಲ್ಲಾ ಸೇವೆಗಳು ಆದಿ ಗರೋಡಿ ಹಾಗೂ ಹೊಸ ಗರೋಡಿಗಳಲ್ಲಿ ಒಂದೇ ದಿನ ನಡೆಯುತ್ತದೆ. ಆಟಿ ತಿಂಗಳ ಅಗೆಲ್ ಸೇವೆಯು ಊರವರ ವತಿಯಿಂದ ನಡೆಯುತ್ತದೆ. ಗರೋಡಿಯಲ್ಲಿ ಸಂಕ್ರಾಂತಿ ಪೂಜೆ, ಚೌತಿ ಪೂಜೆ, ಅಷ್ಟಮಿ ಪೂಜೆ, ದೀಪಾವಳಿ ಪೂಜೆ, ಹೂವಿನ ಪೂಜೆ, ಕದಿರು ಕಟ್ಟುವುದು, ಹರಕೆಯ ಗಜ್ಜೆಯಿ ಸೇವೆ ಇತ್ಯಾದಿ ಪೂಜಾ ಕೈಂಕರ್ಯಗಳು ನಡೆಯುತ್ತವೆ. ಈ ಎಲ್ಲಾ ಕಾರ್ಯಕ್ರಮಗಳು ಊರವರ ವಂತಿಗೆ, ಕಾಣಿಕೆ, ಸಹಾಯಧನದಲ್ಲಿ ನಡೆಯುತ್ತದೆ.
ಸದ್ಯ ಗರೋಡಿಯು ಜೀರ್ಣೋದ್ದಾರದ ಯೋಜನಾವಸ್ಥೆಯಲ್ಲಿದೆ. ಈ ಮೊದಲು 17-03-2009ರಲ್ಲಿ ಹೆಬ್ಬಾಗಿಲಿನ ಜೀರ್ಣೋದ್ಧಾರ 28-12-2007, 30-06-2002ರಲ್ಲಿ ಮಾಯಿಂದಾಲ್ ಗುಡಿ ಜೀರ್ಣೋದ್ಧಾರ ಹಾಗೂ 29-04-1955ರಲ್ಲಿ ಗರೋಡಿಯ ಜೀರ್ಣೋದ್ಧಾರವಾಗಿದೆ.
ನಕ್ರೆಯ ವಿಠಲ ಪರವ ಮತ್ತು ಸಂಗಡಿಗರು ಈ ಗರೋಡಿಯ ನೃತ್ಯ ವಿಶಾರದರಾಗಿದ್ದು, ಶಶಿ ಮಡಿವಾಳ ಬೆಳಪು ಇವರು ಮಡಿವಾಳರಾಗಿಯೂ, ಲಚ್ಚು ಸೇರಿಗಾರ ಎಲ್ಲೂರು ಇವರು ವಾದ್ಯದವರಾಗಿಯೂ ಸೇವೆ ಮಾಡುತ್ತಿದ್ದಾರೆ.
ಗರೋಡಿಗೆ ಸಂಬಂಧಪಟ್ಟ “ ಆದಿಗರೋಡಿ ಜವನೆರೆ ಕೂಟ ‘’ ಎಂಬ ಯುವಕರ ಸಂಘ ಅಸ್ಥಿತ್ವದಲ್ಲಿದೆ. ನಾಗೇಶ ಪೂಜಾರಿ (9823658047) ಯವರು ಇದರ ಮುಖ್ಯಸ್ಥರಾಗಿದ್ದಾರೆ.
ಗರೋಡಿಯ ವಿಳಾಸ:
ಶ್ರೀ ಬ್ರಹ್ಮ ಬೈದರ್ಕಳ ಆದಿಗರೋಡಿ ಗ್ರಾಮ ಬೆಳಪು,
ಪಣಿಯೂರು ಅಂಚೆ, ಕಾಪು ತಾಲೂಕು,
ಉಡುಪಿ 574117.
ಪಣಿಯೂರು ಅಂಚೆ, ಕಾಪು ತಾಲೂಕು,
ಉಡುಪಿ 574117.
ಪೂಪೂಜನೆಯವರು:
1. ಮಾದವ ಪೂಜಾರಿ,
ಗರಡಿಮನೆ ಆದಗರೋಡಿ, ಗ್ರಾಮ ಬೆಳಪು, ಪಣಿಯೂರು ಅಂಚೆ 574117.
ಮೊಬೈಲ್: 8073060616.
ಗರಡಿಮನೆ ಆದಗರೋಡಿ, ಗ್ರಾಮ ಬೆಳಪು, ಪಣಿಯೂರು ಅಂಚೆ 574117.
ಮೊಬೈಲ್: 8073060616.
2. ಜಗನ್ನಾಥ ಪೂಜಾರಿ,
ಮೂಡುಮನೆ, ಬೆಳಪು ಗ್ರಾಮ,
ಪಣಿಯೂರು ಅಂಚೆ, 574117.
ಮೊಬೈಲ್: 7348858194.
ಮೂಡುಮನೆ, ಬೆಳಪು ಗ್ರಾಮ,
ಪಣಿಯೂರು ಅಂಚೆ, 574117.
ಮೊಬೈಲ್: 7348858194.
ಮಾಹಿತಿ ಸಂಗ್ರಹಿಸಿದ ದಿನಾಂಕ:
26-11-2024